இலங்கையில் திரையிடப்படவுள்ளது கெஹனு லமய்
The French Embassy in Sri Lanka and the Lester James Peries & Sumitra Peries Foundation proudly announce the screening of the restored 4K version of Gehenu Lamai. Directed by Sumitra Peries, the classic Sri Lankan film returns to cinemas across Colombo and other locations starting November 28.
editor
கெஹனு லமய் திரைப்படத்தின் மீளமைக்கப்பட்ட வடிவம் இலங்கையில் திரையிடப்படவுள்ளதாக இலங்கைக்கான பிரெஞ்சு தூதரகம், லெஸ்டர் ஜேம்ஸ் பீரிஸ் மற்றும் சுமித்ரா பீரிஸ் மன்றம்
பெருமையுடன் அறிவித்துக்கொள்கின்றது.
இலங்கையின் திரைப்பட இயக்குனரான சுமித்ரா பீரிஸின் கெஹனு லமய் இவ்வருட ஆரம்பத்தில் 4k தரத்தில் மீளமைக்கப்பட்டுள்ளது. நவம்பர் 28ஆம் திகதி முதல் கொழும்பு உட்பட பல இடங்களில் திரையிடப்படுகின்றது.
இத்திரைப்படம் முதன் முதலில் 1978ஆம் வெளியிடப்பட்டுள்ளது. கெஹனு லமய் தெற்காசிய பெண்கள் மற்றும் பெண்ணிய சினிமாவின் மைல்கல்லாக கருதப்படுகின்றது. இலங்கை எழுத்தாளரான கருணாசேன ஜயலத்தின் நாவலை மையமாக கொண்டு தயாரிக்கப்பட்ட இத்திரைப்படம் சுமித்ரா பீரிஸை இயக்குனராக உருவாக்கியது. ஆரம்ப காலத்தில் பல திரைப்படங்களுக்கு துணை இயக்குனராகவும் மற்றும் இயக்குனர் குழுவிலும் பணியாற்றியுள்ளார்.
பிரெஞ்சு அரசாங்கத்தின் நிதியுதவியில், Film Heritage Foundation (FHF), லெஸ்டர் ஜேம்ஸ் பீரிஸ் மற்றும் சுமித்ரா பீரிஸ் மன்றத்துடன் இணைந்து, France-India-Sri Lanka Cine Heritage (FISCH) – Saving Film Across Borders, FHF, டெல்லி மற்றும் கொழும்பில் உள்ள பிரெஞ்சு தூதரகங்கள் மற்றும் இந்தியாவில் உள்ள பிரெஞ்சு நிறுவனம் ஆகியவற்றுக்கு இடையேயான முன்னோடி சர்வதேச ஒத்துழைப்பின் கீழ், L’immagine Ritrovata ஆய்வகத்தில் இத்திரைப்படம் மீளமைப்பு செய்யப்பட்டுள்ளது.
மீளமைப்பு வடிவம் பெற்றதிலிருந்து கெஹனு லமய் பல நாடுகளுக்கு பயணம் செய்துள்ளது. கடந்த மே மாதம் நடைபெற்ற கேன்ஸ் திரைப்பட விழாவில் திரையிடப்பட்டது முதல் இந்தியா, அவுஸ்திரேலியா மற்றும் ஐக்கிய இராச்சியம் ஆகிய நாடுகளில் திரையிடப்பட்டுள்ளது. கடந்த அக்டோபர் மாதம் லண்டன் நகரில் இடம்பெற்ற திரைப்பட விழாவில் உற்சாகமான வரவேற்பை பெற்றிருந்தது.
திரையிடல் குறித்து இலங்கை மற்றும் மாலைத்தீவுகளுக்கான பிரெஞ்சு தூதர் றொமி லம்பர்ட் கூறுகையில்,
“சுமித்ரா பீரிஸ் இயக்குநராக அறிமுகமான கெஹனு லமாயை மீண்டும் திரையிடத் தேர்ந்தெடுத்ததில், இலங்கையின் திரைப்பட வரலாற்றின் ஒரு முக்கிய இடத்தைப் பாதுகாப்பது மட்டுமல்லாமல், பெண்கள் கதைசொல்லலின் ஒரு தலைசிறந்த படைப்பை மீண்டும் வெளிச்சத்திற்குக் கொண்டுவரவும் நாங்கள் முயன்றோம். தேர்வு தெளிவாகத் தெரிந்தது.
இலங்கைப் பெண்களின் கலாச்சார பாரம்பரியத்தை வெளிப்படுத்தும் அத்தகைய அத்தியாவசிய சினிமா அடையாளத்தை மீட்டெடுப்பதை விட வலுவான சின்னம் எது. குறிப்பாக இது பிரெஞ்சு- இலங்கை உறவுகளின் தூதராக இருந்த ஒரு கலைஞரால் இயக்கப்பட்டுள்ளது.
படத்தை மீட்டெடுக்கும் சவாலை ஏற்றுக்கொண்ட திரைப்பட பாரம்பரிய அறக்கட்டளையின் அர்ப்பணிப்பு மற்றும் நிபுணத்துவத்திற்கு நன்றி. கெஹனு லமாய் மீளமைக்கப்பட்டு ஒரு புதிய வாழ்க்கையைப் பெற்றுள்ளது.
இலங்கையின் வளமான சினிமா பாரம்பரியத்தைப் பாதுகாப்பதில் இலங்கையுடன் நிற்பதில் பிரான்ஸ் பெருமை கொள்கிறது. இது எமது கலாச்சார அர்ப்பணிப்பின் மையத்தில் உள்ளது.
கலைகளையும் அதன் நினைவுகளையும் பாதுகாத்தல். ஒரு படம் பார்க்கப்பட வேண்டும்.
சுருள்களில் உறங்காமல், திரையில் வாழ வேண்டும். கெஹனு லமாய் விரைவில் இலங்கை வெள்ளித்திரைக்குத் திரும்புவதைக் காண்பதில் நாங்கள் பெருமை கொள்கிறோம். அங்கு அது
முதன்முதலில் உருவாக்கப்பட்ட இதயங்களில் மீண்டும் ஒருமுறை எதிரொலிக்கும்.
கெஹனு லமய் நவம்பர் 28 ஆம் திகதி முதல் கொழும்பில் திரையிடப்படுகின்றது. டிக்கட்களை பதிவு செய்துகொள்வதற்காக அனைத்து திரையரங்குகளின் பட்டியல் விரைவில் வெளியிடப்படும்.
