உலகம்

ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ (ICTA) නව සභාපති ලෙස ඕෂද සේනානායක වැඩ භාර ගනී

 

ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ  (ICTA) මහාචාර්ය ලලිත් ගමගේ මහතාගෙන්  පසු  නව සභාපතිවරයා ලෙස පත්වූ ඕෂද  සේනානායක මහතා කොල්ලුපිටියේ පිහිටි එම කාර්යාලයේදී  පසුගියදා වැඩ බාරගන්නාලදී.

ඩිජිටල් පරිවර්‍තනයක්   කරා යන ගමනේ ප්‍රධානතම රාජ්‍ය ආයතනය    ලෙස කටයුතු කරන තොරතුරු හා සන්නිවේදන තාක්ෂණ නියෝජිතායතනය විසින්  සැලසුම් කර ආරම්බ ඇති ඩිජිටල් පරිවතන ක්‍රියාවලිය වේගවත්ව ඉදිරියට ගෙනයාම සදහා මෙම පත්වීම සිදුකර ඇත.

ඕෂද සේනානායක මහතා , ආයතනික කළමනාකරණය, උපාය මාර්ග සැලසුම් ක්‍රියාත්මක කිරීම, ව්‍යාපාර විශ්ලේෂණය, ක්‍රියාවලි ඇගයීම , මෘදුකාංග සංවර්ධනය සහ බෙදා හැරීම් කළමනාකරණය ඇතුළු බහුවිධ ව්‍යාපාරික කටයුතු වල  වසර 15 කටත් වැඩි පළපුරුද්දක් ඇති තොරතුරු තාක්‍ෂණ වෘත්තිකයෙකි. තාක්‍ෂණය පිළිබඳ පර්යේෂණ මෙන්ම තාක්‍ෂණය, පහසුකම් කළමනාකරණයට අදාළ ව්‍යාපාරික ආයතන වලටමෙන්ම විවිධ ආරම්බක තාක්ෂණ  (startup)   ව්‍යාපාරයන්ටද නායකත්වය සපයා ඇත.

 

මීටපෙර  ඔහු ශ්‍රී ලංකා විදුලි සංදේශ නියාමන කොමිෂන් සභාවේ (SLTRC ) අධ්‍යක්ෂ ජනරාල්වරයා ලෙස කටයුතු කළේය. ඔහු සයිබර් ආරක්‍ෂාව සඳහා වන ශ්‍රී ලංකාවේ උත්තරීතර ආයතනය වන SLCERT හි අධ්‍යක්ෂ මණ්ඩල සාමාජිකයෙකු ලෙස අඛණ්ඩව කටයුතු කරන අතර තොරතුරු හා සන්නිවේදන තාක්ෂණ නියෝජිතායතනයේ  අධ්‍යක්ෂ මණ්ඩල සාමාජිකයෙකු ලෙස ද කටයුතු කළේය. ඔහු පික්ස්ල්,(Pyxle) වර්ටුසාVirtusa, අයර්න් වන් ටෙක්නොලොජීස්, IronOne Technologies ,  එලියොන් Best Western Elyon සහ කීල්ස් බිස්නස් සිස්ටම්ස් ලිමිටඩ් Keells Business Systems Limited ඇතුළු බොහෝ දේශීය හා බහුජාතික ව්‍යාපාරවල  සේවය කර ඇත.  ඇමරිකාව , එංගලන්තය  , දකුණු අප්‍රිකාව, ඉන්දියාව සහ සිංගප්පූරුව ඇතුළු විවිද  සංස්කෘතික පරිසරයන් සහ රටවල් තුල  ඔහුගේ සේවය ඇගයුමට ලක්වතිබේ.

මෙහිදී අදහස් දැක්වූ  ඕෂද සේනානායක මහතා සඳහන් කළේ, “ඉතා වැදගත් අවස්ථාවක ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ  (ICTA ) නායකත්වය දැරීමට ලැබීම ගැන තමා  මහත්සේ සතුටුවන බවයි. මහජන සේවාවන්  තාක්‍ෂණයෙන් සවිබල ගැන්වූ  ඩිජිටල් රාජ්‍යක්  මඟින් මෙහෙයවනු ලබන සුහුරු  ශ්‍රී ලංකාවක් නිර්මාණය කිරීම අපගේ අපේක්ෂාවයි.    ඩිජිටල් ආර්ථිකයක් මඟින් සක්‍රීය වූ අනාගතයක් අපේක්ෂා කිරීමේදී ඩිජිටල් කේන්ද්‍රීය ප්‍රවේශයක් අත්‍යවශ්‍ය බව තමා  තරයේ විශ්වාස කරනබව ඔහු ප්‍රකාශ කරයි.  මෙම පුළුල්  දැක්ම තුලින්  ඩිජිටල් පරිවර්‍තනය කරා යන ගමනේ ප්‍රධාන උත්ප්‍රේරකයක්  ලෙස තොරතුරු හා සන්නිවේදන තාක්ෂණ නියෝජිතායතනය  කටයුතු කරනු ඇති බවට ඔහු  විශ්වාසය පළකළේය.

 

ගල්කිස්ස ශාන්ත තෝමස් විද්‍යාලයේ ආදි ශිෂ්‍යකු  වන ඕෂධ සේනානායක   එංගලන්තයේ නොතුම්බ්රියා ( Northumbria   University)  විශ්ව විද්‍යාලයෙන්   ව්‍යාපාර කළමනාකරණය  පිළිබඳ (Msc)  විශේෂවේදී  (ගෞරව)උපාධියක් ලබා ඇති අතර   ඕස්ට්‍රේලියාවේ ඇඩිලේඩ් හි ව්‍යාපාර   කළමනාකරණය සහ අලෙවිකරණය පිළිබඳ   MBA  උපාධියක් ද  ලබා ඇත.

Hot Topics

Related Articles