உலகம்

ரோட்டர்டாம் சர்வதேச திரைப்பட விழாவில் ‘கூழாங்கல்’ திரைப்படத்துக்கு டைகர் விருது!

ரோட்டர்டாம் சர்வதேச திரைப்பட விழாவில் நயன்தாரா – விக்னேஷ் சிவன் தயாரித்துள்ள ‘கூழாங்கல்’ திரைப்படம் டைகர் விருதை வென்று சாதனை படைத்துள்ளது.

நெதர்லாந்து நாட்டில் ரோட்டர்டாம் 50 வது சர்வதேச திரைப்பட விழாவில் ‘டைகர்’ பிரிவுக்கு போட்டியிட்டு விருதையும் வென்றுள்ளது ’கூழாங்கல்’.
இதனை, நயன்தாராவும் விக்னேஷ் சிவனும் படக்குழுவினருடன் பெருமையுடன் பகிர்ந்துகொண்டுள்ளனர்.

இந்த விருதை வென்ற முதல் தமிழ் படம், இரண்டாவது இந்தியப் படம் போன்ற பல்வேறு சாதனைகளைப் படைத்துள்ளது.

அறிமுக இயக்குநர் வினோத்ராஜ் இயக்க யுவன் ஷங்கர் ராஜா இசையில் உருவான ‘கூழாங்கல்’ படத்தின் முழுப்பொறுப்பையும் நயன்தாரா – விக்னேஷ் சிவன் ஏற்றுக்கொண்டுள்ளனர்.

இப்படத்திற்கு யுவன் ஷங்கர் ராஜா இசையமைத்துள்ளார். அறிமுக இயக்குநர் வினோத்ராஜ் இயக்கியுள்ளார்.

இந்த படம் குறித்து அறிக்கை வெளியிட்டுள்ள விக்னேஷ் சிவன், “மிக அரிதான ஒரு நாள்தான். ஒரு படைப்பை பார்த்து வியந்து நாம் இருக்கும் துறையை நினைத்து பெருமை கொள்ளும் எண்ணம் தோன்றும். அப்படி ஒரு நாளாக இறுதிக்கட்டப் பணிகளில் இருந்த ’கூழாங்கல்’ என்னும் திரைப்படத்தைப் பார்த்தபோது தோன்றியது.

கூழாங்கல் வினோத்ராஜின் முதல் படம் என்றாலும் தலைப்பை போலவே எளிமையாக இருந்தாலும் அது எங்களுக்குள் ஏற்படுத்திய தாக்கம் ஆழமானது.

முழுக்க முழுக்க அறிமுக நடிகர்கள் இயக்கநரால் எடுத்தப்பட்ட இப்படத்திற்கு தன்னுடைய பின்னணி இசையால் ஆன்மாவை மீட்டெடுத்திருக்கிறார் இசையமைப்பாளர் யுவன் ஷங்கர் ராஜா” என்று தெரிவித்துள்ளார்.

Hot Topics

Related Articles