உலகம்

“Daraz Cares ඉගෙනුමට අත්වැලක්” සමාජ සත්කාරක ව්‍යාපෘතිය සමග ශ්‍රී ලාංකීය සිසු දරු දැරියන්ගේ අධ්‍යාපනය උදෙසා Daraz වෙතින් පහසුකම්

කොරෝනා වසංගත තත්ත්වයත් සමග ශ්‍රී ලාංකිකයන්ගේ සාමාන්‍ය ජනජීවිතය අඩාලව පවතින මෙවැනි මොහොතකදී, පාසැල් සිසුන්ගේ අධ්‍යාපන කටයුතු අන්තර්ජාලය ඔස්සේ පවත්වාගෙන යන්නට සිදුව තිබේ.

වසංගත තත්ත්වය නිසා සුපුරුදු ආදායම් මාර්ග අහිමිවීම, අඩු ආදායම් ලාභීන්ගේ එදිනෙදා අත්‍යවශ්‍ය වියදම් අතරේ අන්තර්ජාල කටයුතු සඳහා අමතර පිරිවැයක් දරන්නට සිදුවීම, අන්තර්ජාල සබඳතාවයන්ගේ දුර්වලතා හා ප්‍රමාණවත් තාක්ෂණික උපාංග නොමැතිවීම යනාදී ගැටළු රැසක් නිසා අප රටේ සිසු දරු දැරියන් රැසකගේ අධ්‍යාපන කටයුතු අඩාලවී පවතියි.

මෙම තත්ත්වය හමුවේ, ග්‍රාමීය පාසැල් සිසු සිසුවියන්ගේ අධ්‍යාපන කටයුතු සඳහා අත්වැලක් වන්නට ශ්‍රී ලංකාවේ ප්‍රමුඛතම e commerce අඩවිය වන Daraz විසින් “Daraz Cares ඉගෙනුමට අත්වැලක්ලෙස සමාජ සත්කාරක ව්‍යාපෘතියක් අරඹා ඇත.

 

“Daraz Cares ඉගෙනුමට අත්වැලක්වෙනුවෙන් ආධාර මුදල් එක් රැස් කිරීම සඳහා 2021 ජූනි මස 24 වැනි දින සිට Daraz හි Daraz Cares යටතේ ඩිජිටල් නිෂ්පාදන මිලදී ගන්නා පාරිභෝගිකයන් හට රු. 100 සිට රු. 25,000 දක්වා වටිනාකමකින් යුතු වවුචර් මගින් තමා කැමති වටිනාකමක් තෝරා ගනිමින් මුදල් පරිත්‍යාග කිරීමේ අවස්ථාව හිමිවේ.

මෙම ආධාර පරිත්‍යාගය සාමාන්‍ය අන්තර්ජාල මිලදී ගැනීමක් සිදුකරන ආකාරයෙන් ක්‍රියාත්මක වන අතර ඔබ පරිත්‍යාග කිරීමට කැමති මුදල තෝරා ගෙවීම සිදු කළ විට අදාල වටිනාකම “Daraz Cares ඉගෙනුමට අත්වැලක්ආධාර අරමුදලට බැරකෙරේ. වැඩි මුදලක් පරිත්‍යාග කිරීමට කැමති පාරිභෝගිකයන්ට වවුචර් පත් කිහිපයක් මිලදී ගැනීම හරහා ඔවුන්ගේ මුදල් පරිත්‍යාග සිදු කළ හැකිය. “Daraz Cares ඉගෙනුමට අත්වැලක්ආධාර මුදල් එකතු කිරීමේ කාලසීමාව අවසානයේදී එම මුදල්, තෝරාගත් ග්‍රාමීය පාසැල් කිහිපයක පාසැල් සිසු සිසුවියන් සඳහා ඉගෙනුම් උපකාරී තාක්ෂණික උපාංග මිලදී ගැනීමට යෙදවේ. 

 

Daraz ශ්‍රී ලංකා අලෙවි ප්‍රධානී හේෂාන් පෙරේරා මහතා “Daraz සමාජ සත්කාරක වැඩසටහන යටතේ අප ශ්‍රී ලාංකිකයන්ගේ ජීවන තත්ත්වය උසස් කරලීමෙහිලා බොහෝ කටයුතු සිදුකොට තිබෙනවා. කාලීන අවශ්‍යතාවක් ලෙස සලකා මෙවර අපි පාසැල් සිසුන්ගේ අන්තර්ජාලගත අධ්‍යාපන කටයුතු වෙනුවෙන් පහසුකම් සලසන්නට තීරණය කළා. අධ්‍යාපන කටයුතු වලට අවශ්‍ය කරන ඉලෙක්ට්‍රොනික් උපාංග, ප්‍රින්ටර් යනාදී උපකරණ තෝරාගත් පාසැල් කිහිපයක් වෙත ලබාදෙන්නට අප බලාපොරොත්තු වෙනවා. එතෙකින් නොනැවතී Daraz Cares ඉගෙනුමට අත්වැලක් සමාජ සත්කාරක ව්‍යාපෘතිය දිගින් දිගටම පවත්වා ගනිමින් ශ්‍රී ලාංකීය දරු දැරියන්ගේ අධ්‍යාපන කටයුතු ශක්තිමත් කරන්නට බලාපොරොත්තු වෙනවා.” යැයි පැවසීය.

 

මුලතිව් දිස්ත්‍රික්කයේ තුනුක්කායි අධ්‍යාපන කලාපයේ තෝරාගත් පාසැල් 5 ක සිසු දරු දැරියන් වෙනුවෙන් “Daraz Cares ඉගෙනුමට අත්වැලක්ව්‍යාපෘතියෙන් පහසුකම් සැලසෙයි. Daraz සමග එක්ව සිටින LEADS ළමා සුබසාධන හා සමාජ සේවා ආයතනය “Daraz Cares ඉගෙනුමට අත්වැලක්සඳහා පාසැල් තෝරාගැනීමේ ක්‍රියාවලියට දායක වෙයි.

 

Hot Topics

Related Articles